सिरियलका दर्शकमाझ चर्चित कलाकार बेगम नेपाली (भटभटे माइला) ले नयाँ सिरियल 'गाह्रो छ जिन्दगी' को प्रसारण सुरू गरेका छन्। उनको यो सिरियलको पहिलो एपिसोड गत बुधबार प्रसारण आयो।
यसअघि कमेडी विधामा रहेर 'गाह्रो छ हो' ल्याएका बेगमले उक्त सिरियल बन्द गरेर सेन्टिमेन्टल सिरियल सुरू गरेका हुन्।
'गाह्रो छ जिन्दगी' भटभटे फिल्मस् निर्माण गरेको हो। बेगम नेपालीको लेखनमा सुरू भएको सिरियलका निर्देशक प्रवेश पोखरेल हुन्।
सिरियलको मुख्य भूमिकामा बेगम स्वयं छन्। साथमा कुलबहादुर अधिकारी, रिस्ता बस्नेत, रिता शिवाकोटी, मलाइका बस्नेत, शित्तल गिरी, हर्षिका वली, सोहन थापालगायत कलाकारहरूको अभिनय छ।
'भटभटे माइला' युट्युबमा सार्वजनिक सिरियलको पहिलो एपिसोडले राम्रो भ्युज बटुलिरहेको छ।
