अर्जुन घिमिरे (पाँडे)को निर्देशनमा बनेको फिल्म 'झरीपछिको इन्द्रेणी' प्रदर्शनको दोस्रो सातामा प्रवेश गरेको छ। दोस्रो साताको प्रदर्शन आरम्भसँगै फिल्मको भजन गीत सार्वजनिक गरिएको छ।
शुक्रबार गायक रोजमान महर्जनको आवाज रहेको भजन 'धन्य धन्य लोकेश्वर' सार्वजनिक गरिएको हो। आध्यात्मिक भाव समेटिएको भजनमा महिला स्वर रत्न शोभा महर्जन र दीपा महर्जनको तथा संगीत संयोजन सुरेन्द्र श्रेष्ठको छ।
पुस ४ गते रिलिज 'झरीपछिको इन्द्रेणी' ले दर्शकबाट सकारात्मक प्रतिक्रिया पाइरहेको छ। फिल्मको व्यापार सुखद् नदेखिए पनि हेरेका दर्शकबाट यसको विषयवस्तुको प्रशंसा भइरहेको छ।
'झरीपछिको इन्द्रेणी' मा गणेश उप्रेती, रमेश उप्रेती, दीपाश्री निरौला, प्रियाना आचार्य, बिमोचन दवाडी, जेसिका पोखरेल, प्रकाश घिमिरेलगायत कलाकारहरूको अभिनय छ।
-1756794700.JPG)
-1746009348.jpg)
