राष्ट्रिय सभाका सांसद अन्जान शाक्यको म्युजिक भिडिओ ‘मेरो गीत भित्र’ बजारमा आएको छ।
‘रोज’ ‘बहार’ ‘श्रद्धापुष्प’, ‘अन्जानपथ’ जस्ता एकल एल्बम र अन्य दजर्न बढी कलेक्सन एल्बममा समेत गीत गाएकी शाक्यले आजभन्दा करिब २२ वर्ष अघि ‘शिरीष’ एल्बम निकालेकी थिइन्।
करिब २२ वर्षको अन्तरालमा फेरि ‘मेरो गीत भित्र’ म्युजिक भिडिओ लिएर शाक्य गीत-संगीतको क्षेत्रमा फर्किएकी हुन्।
कलाकार सरोज खनाल र पूर्व मिस नेपाल उषा खड्गीको अभियन रहेको यो गीतमा डाक्टर शाक्यको स्वर रहेको छ भने संगीत अन्जान शाक्य र सञ्जय शाक्यको छ। शब्द सञ्जय शाक्यका रहेका छन् भने देवकुमार श्रेष्ठले निर्देशन गरेका छन्।
‘बिहानीको शित रश्मीले झार्दै उषाको लाली घरभित्र छिर्यो, तिमीलाई देख्दा मन यो रमाइ मन भित्रभित्रै तिमीलाई पुकार्यो’ जस्ता शब्दहरू गीतमा छन्।
एक वर्षअघि गीत रेकर्ड गरे पनि केही समय अघि मात्रै काठमाडौं र ललितपुरमा छायाँकन गरिएको यो म्युजिक भिडिओलाई धेरैले मन पराउने उनको अपेक्षा छ।
-1756794700.JPG)
-1746009348.jpg)
