वैज्ञानिक कल्पनामा आधारित नेपाली फिल्म 'एक्लो' को सिनेमा हलहरूले अग्रिम टिकट बिक्री सुरू गरेका छन्। प्रदीप खड्काको शीर्ष अभिनय रहेको यो फिल्म बिहीबारदेखि प्रदर्शन तयारीमा छ।
देशको सबभन्दा ठूलो मल्टिप्लेक्स चेन क्युएफएक्ससहित वान सिनेमाज लगायतका मल्टिप्लेक्सले शो तालिका तय गर्दै बुकिङ खुलाएका हुन्।
क्युएफएक्सले पहिलो दिनका लागि काठमाडौंभित्र साइन्स–फिक्सन फिल्मलाई १५ शो दिएको छ। वान सिनेमाजका दुई आउटलेटमा फिल्मले ७ शो पाएको छ। आइएनआई, विग मुभिज लगायतले पनि बुकिङ खुलाउने तयारी गरेका छन्।
प्रदीप शाही निर्देशित 'एक्लो' को विश्व प्रिमियर सोमबार अमेरिकाको न्यूयोर्कमा गरिएको छ।
प्रिमियर समारोहमा अभिनेताद्वय प्रदीप खड्का र जेमी बेकन सहभागी रहे।
फिल्ममा प्रदीप र जेमीसहित विजय लामा, कविता नेपाली, बेनिशा हमाल, सुरज सिंह ठकुरी, एवनराज उप्रेती, दीया पुन, सुनिल थापा, दिनेश डिसी लगायतको अभिनय छ।
फिल्मलाई एक्सन, एड्भेन्चर जनरामा राखिएको छ।
-1746009348.jpg)
