विनय श्रेष्ठ, सुपुष्पा भट्ट र कामेश्वर चौरासियाको शीर्ष अभिनय रहेको फिल्म 'फेरि रेशम फिलिली' युट्युबमा सार्वजनिक भएको छ। फिल्मलाई हल रिलिजको वर्षदिन नपुग्दै बिहीबार युट्युबमा सार्वजनिक गरिएको हो।
गत वर्ष फागुनमा प्रदर्शनमा आएको फिल्मले दर्शकबाट सकारात्मक प्रतिक्रिया पाएको थियो। निरोज महर्जनको निर्देशनमा बनेको फिल्मको निर्माता रौनक विक्रम कंडेल हुन्।
'फेरि रेशम फिलिली' मा विनय, सुपुष्पा र कामेश्वरसहित नीर शाह, लक्ष्मी गिरी, महेश त्रिपाठी, प्रकाश घिमिरे, रवीन्द्र झा, शिशिर बाङ्देल, मेक्सम गौडेल, एभन उप्रेतीलगायत कलाकारहरूको अभिनय छ। फिल्मले अमेरिका मोहको कथा प्रस्तुत गर्छ।
बुढासुब्बा डिजिटल युट्युबमार्फत 'फेरि रेशम फिलिली' डिजिटल रिलिज गरिएको हो।
-1746009348.jpg)
