फिल्म 'शिवांशः च्याप्टर १' को टिजर बिहीबार सार्वजनिक भएको छ।
'सुरूआत नै अन्त्य हो र अन्त्य नै शिवांश' भन्दै सुरू हुने टिजर छोटो छ। टिजरमा फिल्मका मुख्य कलाकार प्रवीण खतिवडा छन्। उनी सन्तको भूमिकामा छन्। हातमा त्रिशूल बोकेर मन्दिरअगाडि पुगेपछि टिजर सकिन्छ।
ओजपूर्ण आवाज, कलर, दृश्य र संवादसहितको टिजरले कौतुहलता सिर्जना गर्छ। फिल्मको कथाबारे निर्माणपक्षले हालसम्म केही जानकारी दिएको छैन। टिजरमा पनि कथा सस्पेन्स नै छ।
टिजर हेर्दा 'शिवांश' पौराणिक आस्था, आधुनिक समय र मानव स्वभावको द्वन्द्धको कथा रहेको अनुमान गर्न सकिन्छ। यसले रहस्यमयी र दार्शनिक कथा भन्ने आँकलन गर्न सकिन्छ।
फिल्ममा प्रवीण खतिवडा, तेज गिरी र रूषा न्यौपाने मुख्य भूमिकामा छन्। साथमा विकास जोशी, विमला लिम्बू, प्रदीप कुमार चौधरी, सबिर चुरौटे, उदय कुमार सुब्बा, टीका निरौलालगायत कलाकारको अभिनय रहनेछ । फिल्ममा बिमला लिम्बू, प्रदीप कुमार चौधरी, सबीर चौराउटे, उदय कुमार सुब्बा, टिका निरौला र कुन्दन चौधरी लगायतको पनि अभिनय रहनेछ। अञ्जान सिनेमा प्रोडक्सन हाउसको प्रस्तुति रहने फिल्म सन्तोष कुमार आत्रेयले निर्देशन गरेका हुन्। अञ्जान केसीको लेखन रहेको फिल्मको निर्मातामा केसी र शोभा भण्डारी छन्।
'शिवांश' महाशिवरात्रिको अवसर पारेर फागुन १ गतेदेखि प्रदर्शनमा आउनेछ।
बारत लिम्बूको पटकथा रहेको फिल्मको सह–निर्मातामा कृष्ण बोगटी, अनिशा केसी बोगटी, सुनिता राना र निर्मल भण्डारी छन्। त्यस्तै, कार्यकारी निर्माता परिच्छेद सेन र शम्भु थापा हुन्। फिल्ममा विप्लव प्रतीक र राजनराज शिवाकोटीको गीतरचना रहनेछ। संगीत न्ह्यू बज्राचार्य, राजनराज शिवाकोटी र युग भुसालको रहनेछ। राजनराज शिवाकोटी, मिलन नेवार, समीक्षा अधिकारीलगायतले यस फिल्ममा गीतमा स्वर दिनेछन्।
मिलन श्रेष्ठको द्वन्द्व निर्देशन, बिक्रम चौहानको नृत्य कोरियोग्राफी रहेको फिल्ममा शरद महतोको डीओपी छ।
-1756446574.jpg)
-1746009348.jpg)
