दसैं नजिकिएसँगै सरकारले आउँदो सोमबारदेखि सार्वजनिक यातायातको अग्रिम बुकिङ खुला गर्ने भएको छ।
शुक्रबार भौतिक पूर्वाधार तथा यातायात मन्त्रालयमा बसेको बैठकले सोमबारदेखि अग्रिम बुकिङ खुला गर्ने निर्णय गरेको नेपाल यातायात व्यवसायी महासंघका वरिष्ठ उपाध्यक्ष सरोज सिटौलाले जानकारी दिए।
अग्रिम बुकिङ खुला गर्ने निर्णय भएपनि हेल्प डेस्क, सवारी भाडा कति राख्ने, कुनकुन रूटमा सवारीसाधन कति चलाउने भन्नेबारेमा छलफल जारी छ।
यसबारे अहिले यातायात व्यवस्था विभागमा छलफल भइरहेको सिटौलाले बताए।
