साइमेक्स इंक (बिवाइडी अटो इन्डष्ट्री कम्पनीको नेपालका लागि आधिकारिक वितरक)ले ‘बिवाइडी चाइनिज न्यू इयर कप’ नेपाल–चाइना फ्रेन्डसिप फुटबल खेलको प्रयोजन गर्ने भएको छ।
चिनियाँ राजदूतावास, नेपाल पर्यटन बोर्ड र राष्ट्रिय खेलकुद परिषदद्वारा आयोजना गरिने सो महत्त्वपूर्ण खेल कार्यक्रम आगामी फेब्रुअरी १० मा दशरथ रंगशालामा आयोजना हुनेछ।
बिवाइडी चाइनिज न्यू इयर कपमा चीनको किन्घाई युथ फुटबल टिम र नेपालको यु–२१ फुटबल टिमबिच प्रतिस्पर्धा हुनेछ जसले उत्साहजनक प्रतिस्पर्धा र मित्रतालाई झल्काउने छ।
यसले फुटबलको विश्वव्यापी भाषाबाट चीन र नेपालबीचको मित्रता र सांस्कृतिक सम्बन्ध तथा संस्कृति र समुदायबीचको सम्बन्धलाई अझै मजबुत बनाउने बताइएको छ।
यस प्रकारको प्रतिष्ठित इभेन्टले दुई देशबीचको गहिरो सम्बन्धलाई अझै बलियो बनाउन भूमिका खेल्ने कम्पनीको भनाइ छ।
क्लिन इनर्जी र सस्टेनेबल मोबिलिटी सोलुसनका लागि विश्वमै नेतृत्व गरिरहेको बिवाइडी उत्कृष्टता, नवीनता र सामाजिक उत्तरदायित्व प्रति प्रतिबद्ध छ।
'बिवाइडी चाइनिज न्यू इयर कप' जस्तो पहलबाट आपसी समझदारी र सहयोग प्रवर्द्धन हुने र दुवै देशका जनताको जीवनस्तर उकास्न सहयोग पुग्ने बताइएको छ।
