भिजी इम्पेक्स नेपालका लागि जिडब्लुएमका सवारीसाधनहरू (हाभल, पावर, ओरा) का आधिकारिक आयातकर्ता र वितरकले इलेक्ट्रिफाइङ डिलका साथ लोकप्रिय लक्जरी 'ओरा ०३ इलेक्ट्रिक क्रस ओभर'को लागि नयाँ बिक्री योजना ल्याएको छ।
यस योजना अन्तर्गत ग्राहकहरूले ओरा ०३ इलेक्ट्रिक क्रसओभरको खरिदमा ५ लाख रूपैयाँ बराबरको लाभ लिन सक्नेछन्।
यो योजनाको अवधि माघ २८ गतेदेखि फागुन ३० गतेसम्म रहेको छ।
जसमा ग्राहकहरूले आकर्षक नगद छुट, एक्सचेन्ज बोनस, एक वर्षसम्मको बृहत बीमा, ७ किलोवाट एसी फास्ट चार्जर र गाडीका एक्सेसरीज प्राप्त गर्न सक्नेछन्।
ओरा ब्रान्ड अन्तर्गत ओरा ०३ इभी सबैभन्दा लोकप्रिय मोडलहरूमध्ये एक रहेकाे कम्पनीकाे भनाइ छ।
यसको रेट्रो–मोर्डन डिजाइन, राम्रो बिल्ड क्वालिटी र आधुनिक सुविधाहरूले भरिपूर्ण भएका कारण अष्ट्रेलिया, न्यूजिल्याण्ड, इङ्गल्याण्ड, जर्मनी, थाइल्याण्ड, इन्डोनेसिया, फिलिपिन्स, दक्षिण अफ्रिका, ब्राजिल, चिली जस्ता देशहरूमा छिटो र धेरै लोकप्रियता पाइरहेको छ।
नेपालमा पनि ओरा ०३ ले आफ्नो अद्वितीय स्टाइल, उत्कृष्ट सवारी गुणस्तर र राम्रो ड्राइभ दायराका कारण छोटो समयमा नै आफ्नो पहिचान बनाउन सफल भएको कम्पनीको भनाइ छ।
