नेपालका लागि जिली इएक्स–५ का आधिकारिक आयातकर्ता एवं वितरक एलआरआर मोटर्सले देशव्यापी डिलर सञ्जाल विस्तारको योजना सार्वजनिक गरेको छ।
कम्पनीले आगामी एक वर्षभित्र सातै प्रदेशमा दुई–दुई गरी १४ वटा डिलरशिप शो–रुम स्थापना गर्ने घोषणा गरेको हो।
रणनीतिक विस्तारको पहिलो चरणअन्तर्गत विराटनगर र बुटवलका डिलरहरू नियुक्त भइसकेका छन्। तिनका शोरुम तथा सर्भिस सेन्टरहरू एक महिनाभित्र सञ्चालनमा आउने कम्पनीले जनाएको छ।
यी नयाँ शोरुमहरूले जिलीको विश्वस्तरीय मापदण्डअनुसार सवारीसाधन प्रदर्शन, टेस्ट ड्राइभ, फाइनान्सिङ सुविधा, बिक्रीपछिको सेवा र जेनुइन स्पेयर पार्ट्स उपलब्ध गराउनेछन्।
एलआरआर मोटर्सका निर्देशक जीवन जङ्ग शाहीका अनुसार देशभरका उपभोक्तासम्म जिली इएक्स–५ पुर्याउने लक्ष्यका साथ डिलर विस्तार सुरु गरिएको हो।
‘बुटवल र विराटनगरका शोरुम सञ्चालनपछि ग्राहकहरूले ब्रान्डको गुणस्तर र विश्वसनीयता आफ्नै शहरमा अनुभव गर्नेछन्, उनले भने।’
नेपाल भित्रिएको छोटो समयमै जिली इएक्स–५ ले आफ्नो आधुनिक डिजाइन, प्रिमियम इन्टेरियर र उत्कृष्ट प्रदर्शनका कारण उपभोक्ताको मन जितिसकेको छ।
कम्पनीका बिक्री विभाग प्रमुख अधिर श्रेष्ठले देशभरका ग्राहक र सम्भावित डिलरहरूबाट बढ्दो चासोका कारण यो विस्तार योजना अघि बढाएको जानकारी दिए।
कम्पनीले छिट्टै अन्य शहरहरूमा पनि नयाँ डिलर शोरुमहरू स्थापना गर्ने तयारी गरेको जनाएको छ।
-copy-1761394385.jpg)
-1746009348.jpg)
