काठमाडौं उपत्यकाबाट चल्ने लामो दुरीका सवारीसाधनहरूलाई अनिवार्य रूपमा बसपार्कबाट मात्रै छुट्नुपर्ने भएको छ।
काठमाडौं उपत्यका ट्राफिक प्रहरी कार्यालयले अनिवार्य रूपमा यातायातहरू बसपार्कबाट मात्रै छुट्नुपर्ने गरी कडाइ गरेको एसपी नरेशराज सुवेदीले जानकारी दिए।
काठमाडौं उपत्यकामा सवारी जामलाई हटाएर यातायात आवागमनका लागि सहज बनाउन यस्तो व्यवस्था गर्न लागेको हो।
‘लामो दुरीका सवारीसाधनले लोकल गाडी जसरी जथाभावी बस रोक्दै यात्रु झार्ने र चढाउने जस्ता काम गर्न थालेपछि पिक आवरमा राजधानी का सडकहरूमा जाम बढेको निष्कर्ष छ,’ सुवेदीले भने, ‘लामो दुरीका गाडीहरूलाई दिइएको रूट परमिटलाई पनि पुनरावलोकन गर्न ट्रफिक कार्यालयले सम्बन्धित निकायलाई अनुरोध गरेको छ।’
ट्राफिक प्रहरी कार्यालयले सचेतना कक्षा पनि सञ्चालन गर्न थाल्ने भएको छ।
‘सडक अनुशासन कायम राख्न रातो बत्तीलाई उल्लंघन गर्ने, लेन क्रस गर्ने, तीव्र गतीमा सवारी चलाउने तथा मापसे गरेर सवारी चलाउनेलाई अनिवार्य रूपमा सचेतना कक्षा दिने गरिएको छ,’ उनले भने।
सेवाग्राहीको सहजताको लागि अनलाइन सचेतना कक्षा पनि ट्राफिक प्रहरीले सन्चालनमा ल्याइसकेको उनले बताए। त्यसको लागि सेवाग्राहीले आफ्नो मोबाइलमा इन्स्टल गर्नु भएको एप्सलाई एकपटक अन्स्टल गरि पुन:इन्स्टल गर्नु पर्ने पनि हुनसक्ने पनि उनले बताए।
-1746009348.jpg)
