सांग्रिला मोटर्सले शनिबार आफ्नो बहुप्रतिक्षित 'लिपमोटर कस्टमर र्याली'सम्पन्न गरेको छ।
'लेट्स लिप इन्टु एन अनफर्गेटेबल एक्सपेरियन्स' भन्ने मूल नाराका साथ आयोजित यस कार्यक्रमले ‘विस्तारित लिपमोटर परिवार’ लाई मनोरम ड्राइभ, सामुदायिक भाइचारा र उत्सवका लागि एकै ठाउँमा ल्याएको बताइएको छ।
र्यालीको सुरुवात सानेपास्थित हेरिटेज गार्डेनबाट भएको थियो जहाँ बिहान ८ बजे उत्साही सहभागीहरू स्वागत कार्यक्रमका लागि भेला भएका थिए।
र्यालीको औपचारिक फ्ल्याग–अफ लिपमोटरका ब्रान्ड एम्बेसडर रोहित पौडेल र सांग्रिला मोटर्सका निर्देशक जय गोल्छाद्वारा संयुक्त रूपमा गरिएको थियो।
फ्ल्याग–अफ पछि विद्युतीय सवारी साधनहरूको लस्कर राजधानीबाट नगरकोटस्थित क्लब हिमालयको मनोरम उचाइतर्फ प्रस्थान गरेको थियो।
यस ड्राइभले सवारी धनीहरूलाई घुमाउरो र उकालो भू–भागमा लिपमोटर ईभीको उत्कृष्ट कार्यक्षमता र ह्यान्डलिङको अनुभव गर्ने अवसर प्रदान गर्नुका साथै अन्य इभी प्रेमीहरूसँग आत्मीयता साटासाट गर्ने मौका पनि जुराएको थियो।
क्लब हिमालयमा क्विज, विभिन्न खेलहरू, बफे लन्च, नेटवर्किङ सेसन र गाडीको चेकजाँच जस्ता विविध गतिविधिहरूका साथ कार्यक्रम सञ्चालन गरिएको थियो, जसले सांग्रिला मोटर्स र यसको बढ्दो ग्राहक बीचको सम्बन्धलाई थप मजबुत बनाएको बताइएको छ।
-1746009348.jpg)
