लिपमोटरले ग्राहकहरूको विद्युतीय सवारी अनुभव गर्ने तरिकालाई पूर्ण रूपमा परिवर्तन गर्न 'लिपमोटर सँग १ दिन' नामक नयाँअभियान सुरू गरेको छ।
सामान्य १० मिनेटको टेस्ट ड्राइभले गाडीको वास्तविक अनुभव लिन वा महत्त्वपूर्ण खरिद निर्णय गर्न पर्याप्त हुँदैन भन्ने बुझ्दै ब्रान्डले एक व्यावहारिक समाधान ल्याएको हो।
ग्राहकहरूलाई आफ्नो छनौटमा पूर्ण विश्वस्त बनाउन, लिपमोटरले सम्भावित खरिदकर्ताहरूलाई एक दिनको लागि लिपमोटर घर लैजान त्यो पनि पूर्णरूपमा निःशुल्क, आमन्त्रित गरेको छ।
यो पहलले ग्राहकहरूलाई सोरुम नजिकै गरिने छोटो टेस्ट ड्राइभको सट्टा गाडीलाई आफ्नो वास्तविक दैनिक जीवनमा समावेश गर्ने अवसर दिन्छ।
गाडीलाई घर लगेर, कार्यालय जाँदा, किनमेल गर्न जाँदा र आफ्ना नियमित सडकमा यात्रा गर्दा, चालकहरूले यो गाडी आफ्नो जीवनशैलीमा कसरी मेल खान्छ र स्थानीय सडकको अवस्थामा कस्तो प्रदर्शन गर्छ भन्ने स्पष्ट रूपमा देख्न सक्छन्।
चीनको नम्बर १ इभी स्टार्टअपको रूपमा आफ्नो बलियो बजार स्थानका कारण लिपमोटरले यस्तो कार्यक्रम अघि सार्न सफल भएको हो।
विश्वभर१० लाखभन्दा बढी गाडीहरूको बिक्री र सन् २०२५ मा मात्रै ५ लाख ९६ हजार ५५५ युनिट डेलिभरी हुनुले ब्रान्डको यो सफलतालाई पुष्टि गर्दछ।
यो विश्वव्यापी लोकप्रियताको मुख्य आधार सुरक्षा र नवीनताको संयोजन हो।
यी गाडीहरू विश्वस्तरीय सिएटिएल एलएफपी ब्याट्री र लिपमोटरको आफ्नै अत्याधुनिक स्मार्ट एआई प्रविधिद्वारा सञ्चालित छन्, जसले ब्रान्डलाई ड्राइभिङको भविष्यको अग्रस्थानमा राखेको छ।
लिपमोटरले सबैलाई नजिकैको शोरुममा गएर टेस्ट ड्राइभगर्न र यो विश्वस्तरीय प्रविधिको प्रत्यक्ष अनुभव लिन आमन्त्रित गरेको छ।
-1746009348.jpg)
