नेपालमा प्रोटोनको 'इ मास फाइभ' इलेक्ट्रिक गाडी सार्वजनिक भएको छ।
नेपालको लागि प्रोटोनको आधिकारिक विक्रेता जगदम्बा मोटर्सले एक कार्यक्रमकाबीच इ मास फाइभ सार्वजनिक गरेको हो।
मलेसियन कम्पनी प्रोटोनले जिली कम्पनीसँग सहकार्य गरेर यो गाडी बनाएको हो।
नेपालमा यसअघि यही कम्पनीको इ मास सेभेन गाडी बिक्री हुँदै आइरहेको छ।
२ वटा भेरियन्ट ३० र ४० किलोवाटको ब्याट्री क्षमता भएको यो गाडी सहरी क्षेत्रमा निकै उपयुक्त मानिन्छ।
कम्पनीले पहिलो १०० ग्राहकलाई विशेष छुट दिँदै इमास फाइभ प्राइम भेरियन्टको मूल्य २९ लाख ९९ हजार र प्रिमियमको ३४ लाख ९९ हजार रूपैयाँ तोकेको छ।
३०.१२ किलोवाट आवरको ब्याट्री भएको यो गाडीले एकपटकको फुलचार्जमा २२५ किमी रेन्ज दिने कम्पनीको दाबी छ।
त्यस्तै, ४० किलोवाटको ब्याट्री भएको गाडीले ३२५ किमी रेन्ज दिन्छ।
रियर ह्विल ड्राइभ सिस्टम भएको इमासमा २६५० एमएम लामो ह्विलबेस छ।
८.८ इन्चको इन्स्ट्रुमेन्ट क्लष्टर, मल्टिफंशनल स्टेरिङ ह्विल, भेरियन्ट अनुसार १०.१ र १४.६ इन्चको स्क्रिन उपलब्ध छ ।
६ एयरब्याग, एडास फिचर, ३६० क्यामरा लगायतका फिचरहरू उपलब्ध छन्।
कम मूल्यमा धेरै फिचर भएको गाडी मलेसियामा निकै चर्चामा छ।
नेपालमा पनि यस गाडीले बिवाइडीको एट्टो वान, नामीको बक्स र टाटाको टियगोसँग प्रतिस्पर्धा गर्ने कम्पनीको भनाइ छ।
