ठूलो एसयुभीको जस्तो फराकिलो स्पेस, नयाँ पुस्ताको इभी प्रविधि र अन्तर्राष्ट्रिय रूपमा सम्मानित डिजाइन एउटै इभीमा समेटिँदा कस्तो देखिन्छ? नेपालले यसको जवाफ चाँडै पाउने भएको छ।
नेपालका लागि इन्टेलिजेन्ट र लक्जरी इभी ब्रान्ड दिपलको आधिकारिक विक्रेता एमएडब्लु वृद्धिले आफ्नो नयाँ इलेक्ट्रिक एसयुभी दिपल निभो क्यू०५ सार्वजनिक गर्ने तयारी गरिरहेको छ।
कम्फर्ट, व्यवहारिकता र इन्टेलिजेन्ट प्रविधिको सन्तुलित संयोजन सहितको क्यू०५ ले नेपालको बढ्दो प्रतिस्पर्धी इलेक्ट्रिक एसयुभी बजारमा नयाँ मापदण्ड स्थापित गर्ने अपेक्षा गरिएको छ।
तर पहिलो नजरमै क्यू०५ले आत्मविश्वासीय र आधुनिक एसयुभी डिजाइन प्रस्तुत गर्छ। यसको सुन्दर अनुपात, विशिष्ट लाइटिंग सिग्नेचर र प्रभावशाली रोज प्रेजेन्स अन्तर्राष्टिय रुपमा प्रसिद्ध अटोमोटिभ डिजाइन क्लाउस जाइसिओराको डिजाइन नेतृत्वमा सिर्जना गरिएको हो।
यसको डिजाइनले अन्तर्राष्ट्रिय मान्यतासमेत प्राप्त गरिसकेको छ र अटोमोटिभ डिजाइन विधामा प्रतिष्ठित २०२६ गोल्ड ए डिजाइन अवार्ड जितेको छ।
सहरी सडकमा सजिलै चलाउन सकिने आकारमा डिजाइन गरिएको क्यू०५ मा लामो २७३५ एमएमको ह्विलबेस दिइएको छ।
यसले यात्रुका लागि उदार स्पेस र व्यवहारिक लगेज क्षमता सिर्जना गर्छ। भिडभाडयुक्त सहरी सडकमा अनावश्यक रूपमा ठूलो गाडी चलाउनुपर्ने असुविधाविना यसले परिवारले खोज्ने फराकिलो ठाउँ उपलब्ध गराउने कम्पनीको भनाइ छ।
यसमा सिएटिएलको ब्याट्री र तीव्र गतिमा चार्ज गर्ने क्षमता पनि रहेको छ।
क्यू०५ यो वर्ष चीनमा आफ्नो सेग्मेन्ट लिडर बन्न सफल भएको कम्प्याक्ट एसयुभी हो। यो वर्ष जुनको अन्तसम्ममा चीनमा ७६ हजारभन्दा बढी क्यू०५ बिक्री भइसकेको छ।
पुरस्कृत डिजाइन, अपेक्षाभन्दा ठूलो इन्टेरियर, इन्टेलिजेन्ट प्रविधि र अन्तर्राष्ट्रिय बजारमा प्रमाणित लोकप्रियताले यो इलेक्ट्रिक एसयुभीलाई बहुप्रतीक्षित बनाएको छ।
नेपाली बजारमा आउने भेरियन्ट, स्पेसिफिकेसन, फिचर र मूल्यका बारेमा आधिकारिक लन्चमै सार्वजनिक हुने कम्पनीको भनाइ छ।
