नेपाल राष्ट्र बैंकले बैंक तथा वित्तीय संस्थाको वित्तीय सबलताका आधारमा सेयर धितो कर्जाको सीमा निर्धारण गर्ने व्यवस्था ल्याउने भएको छ।
साथै, सार्वजनिक यातायातका रूपमा प्रयोग हुने ठूला विद्युतीय सवारीसाधन (इभी) खरिदका लागि कर्जा मूल्य अनुपात पनि थप सहज बनाइने भएको छ।
आगामी आर्थिक वर्ष २०८३/८४ को मौद्रिक नीतिअनुसार बैंक तथा वित्तीय संस्थाको वित्तीय अवस्था, जोखिम व्यवस्थापन क्षमता तथा संस्थागत सबलताका आधारमा सेयर कर्जाको सीमा निर्धारण गर्न विशेष नीतिगत व्यवस्था गरिने उल्लेख गरिएको छ।
यस्तै, सार्वजनिक सवारीका रूपमा सञ्चालन हुने ठूला विद्युतीय बस तथा अन्य विद्युतीय सवारीसाधनमा लगानी प्रोत्साहन गर्ने उद्देश्यले कर्जा मूल्य अनुपात सम्बन्धी व्यवस्था पनि खुकुलो बनाइने भएको छ।
