गरिमा विकास बैंकले आफ्नो डिजिटल इकोसिस्टममा एकैसाथ तीन नयाँ प्रविधिमा आधारित सेवा सार्वजनिक गरेको छ।
नयाँ आर्थिक वर्ष २०८३/८४ को अवसरमा बैंकले डिजिटल बैंकिङ सेवाको विस्तार तथा आफ्ना ग्राहकलाई थप सहज, सुरक्षित र आधुनिक बैंकिङ प्रदान गर्ने उद्देश्यले तीन नयाँ प्रविधिमा आधारित सेवा सार्वजनिक गरेको हो।
बैंकले गरिमा प्रिपेड डलर कार्ड, गरिमा पिओएस टर्मिनल तथा गरिमा इन्टर बैंक क्युआर टेलर सेवाको औपचारिक शुभारम्भ गरेको छ।
गरिमा प्रिपेड डलर कार्ड मार्फत नेपाल राष्ट्र बैंकले तोकेको सीमाभित्र रही अन्तर्राष्ट्रिय वेबसाइट, मोबाइल एप तथा ई–कमर्स प्लेटफर्महरूमा अमेरिकी डलरमा सुरक्षित अनलाइन भुक्तानी गर्न सकिनेछ।
त्यसैगरी, गरिमा पिओएस टर्मिनल सेवामार्फत व्यवसायी तथा व्यापारीहरूले डेबिट, क्रेडिट तथा प्रिपेड कार्डमार्फत सुरक्षित, छिटो र भरपर्दो डिजिटल भुक्तानी प्राप्त गर्न सक्नेछन्।
यस सेवाले नगदरहित कारोबारलाई प्रवर्द्धन गर्दै व्यापारिक कारोबारलाई अझ व्यवस्थित र प्रभावकारी बनाउने अपेक्षा गरिएको छ।
यसैगरी, गरिमा इन्टर बैंक क्युआर टेलर सेवा मार्फत फोनपे नेटवर्कमा आबद्ध अन्य कुनैपनि बैंक तथा वित्तीय संस्थाका ग्राहकहरुले मोबाईल एपबाट गरिमा इन्टर बैंक क्युआर स्क्यान गरि गरिमा विकास बैंकको जुनसुकै शाखबाट सहज रूपमा नगद प्राप्त गर्न सक्नेछन्।
डिजिटल रूपान्तरणलाई प्राथमिकतामा राख्दै आइरहेको गरिमा बैंकले आफ्ना ग्राहकहरूलाई सुरक्षित, सरल, छरितो र गुणस्तरीय बैंकिङ सेवा उपलब्ध गराउने लक्ष्यका साथ आगामी दिनमा पनि नवीनतम प्रविधिमा आधारित सेवाहरू विस्तार गर्दै जाने विश्वास व्यक्त गरेको छ।
बैंकले देशभर १२६ शाखा कार्यालय, ५१ एटिएम एवं नवीनतम डिजिटल इकोसिस्टम मार्फत करिब ९ लाख ग्राहकहरूलाई सरल, सुरक्षित एवं गुणस्तरीय सेवा प्रदान गर्दै आइरहेको छ।
