मंगलबार नेप्से परिसूचक सामान्य अंकले बढेको छ।
अघिल्लो शुक्रबारदेखि घट्ने क्रममा रहेको सेयर बजार ६ कारोबार दिनपछि आज सामान्य अंकले बढेको हो।
नेप्से ९.२४ अंकले बढेर २५२२.६६ विन्दुमा बन्द भएको हो।
कारोबार रकम भने अघिल्लो दिनको तुलनामा घटेको छ।
सोमबार ३ अर्ब ६४ करोड रूपैयाँको कारोबार भएकोमा यसदिन २ अर्ब ९० करोड रूपैयाँको कारोबार भएको छ।
यसदिन ३४१ वटा धितोपत्रको ७६ लाख १३ हजार ६८१ कित्ता सेयर किनबेच भएको हो।
मंगलबार १८१ कम्पनीको सेयर मूल्य बढेको छ भने ८४ वटाको घटेको छ। यस्तै, १२ कम्पनी स्थिर छन्।
माथिल्लो मैलुङ खोला जलविद्युतको मूल्य सर्वाधिक ७.१५ प्रतिशतले बढेको छ।
उक्त कम्पनीको प्रतिकित्ता मूल्य ३४६ रूपैयाँ पुगेको छ।
यस्तै, एमबिएल इक्विटी फण्डको मूल्य ५.८८ प्रतिशतले बढेर प्रति इकाइ मूल्य ९ रूपैयाँ कायम भएको छ।
सर्वाधिक मूल्य घट्नेमा उपकार लघुवित्त रहेको छ।
उक्त कम्पनीको मूल्य ८.४८ प्रतिशतले घटेर प्रति कित्ता मूल्य दुई हजार ४९४ रूपैयाँमा झरेको छ
यसैगरी, घोराही सिमेन्टको मूल्य ५.५३ प्रतिशतले घटेर कित्ता मूल्य ३७६ रूपैयाँमा सीमित भएको छ।
मंगलबार सोलु हाइड्रोपावरको सर्वाधिक कारोबार भएको छ।
उक्त कम्पनीको ६५९ रूपैयाँमा १३ करोड ८२ लाख रूपैयाँको कारोबार भएको छ।
यो मूल्य अघिल्लो दिनको तुलनामा १.७० प्रतिशत बढेको हो।
सर्वाधिक सेयर खरिद–बिक्री हुने दोस्रो सूचीमा शिवम् सिमेन्ट रहेको छ। उक्त कम्पनीको ६५४ रूपैयाँमा १३ करोड ६३ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये उत्पादन तथा प्रशोधन समूहको परिसूचक घटेको छ भने बाँकी सबै समूहको बढेको छ।
यसमध्ये जलविद्युत समूहको परिसूचक सर्वाधिक १.०१ प्रतिशतले बढेको छ।
