पाटन सबस्टेशनको ६६ केभी बसबारको मर्मतसम्भार कार्य गर्नुपर्ने भएकाले साउन २९ गते बिहान ललितपुरका अधिकांश क्षेत्रमा करिब दुई घण्टा विद्युत् आपूर्ति बन्द हुने नेपाल विद्युत प्राधिकरणले जनाएको छ।
प्राधिकरणका अनुसार मर्मतसम्भार कार्यका लागि भोलि बिहान ५ बजेदेखि ७ बजेसम्म पाटन सबस्टेशनबाट विद्युत आपूर्ति बन्द गरी सटडाउन लिन लागिएको हो।
सटडाउनका कारण पाटन सबस्टेशनबाट विद्युत आपूर्ति भइरहेका ललितपुरका अधिकांश क्षेत्रमा विद्युत सेवा प्रभावित हुने प्राधिकरणले जनाएको हो।
मर्मतसम्भार कार्य निर्धारित समयभन्दा अगावै सम्पन्न भएमा विद्युत आपूर्ति सोहीअनुसार नियमित गरिने जनाएको छ।
विद्युत आपूर्ति अवरुद्ध हुँदा ग्राहकवर्गमा पर्न जाने असुविधाप्रति प्राधिकरणले क्षमायाचना गरेको छ।
