नेपाल क्रिकेट संघ (क्यान) ले एसियन गेम्स २०२६ को छनोट प्रतियोगिताका लागि दीपेन्द्रसिंह ऐरीको कप्तानीमा नेपाली राष्ट्रिय टोली घोषणा गरेको छ।
दीपेन्द्रको कप्तानीमा रहेको नेपाली टोलीमा कुशल मल्लसहित शाहब आलाम फर्किएका छन्।
छनोटमा नेपालले समूह ‘ए’ मा प्रतिस्पर्धा गर्नेछ। समूहमा नेपालसहित मलेसिया, कतार र चाइना छन्।
समूह बीमा ओमान, हङकङ, बहराइन र सिंगापुर छन्।
प्रत्येक समूहका सेमिफाइनलमा पुग्ने चार टोली एसियन गेम्स जापानका लागि छनोट हुनेछन्।
सेमिफाइनल पुग्ने चार टोली जापानमा हुने एसियन गेम्समा छनोट हुनेछन्।
आगामी सेप्टेम्बरमा जापानमा हुने एसियन गेम्समा पुग्न नेपालले समूह चरण पार गरेर एक खेल जित्न पर्नेछ। छनोट प्रतियोगिता ३१ मे देखि सिंगापुरमा हुनेछ।
चार टोलीले छनोट चरण पार गर्दा ६ टोली भने यसअघि नै पुगिसकेका छन्। जापान आयोजक बनेर छनोट हुँदा आइसिसी वरीयताको आधारमा साविक विजेता भारतसहित पाकिस्तान, श्रीलंका, बंगलादेश र अफगानिस्तान छनोट भएका हुन्। यसरी १० टोलीबीच एसियन गेम्समा प्रतिस्पर्धा हुनेछ।
नेपाली टोली
दीपेन्द्रसिंह ऐरी (कप्तान), कुशल भुर्तेल, आसिफ शेख, सन्दीप जोरा, कुशल मल्ल, लोकेश बम, सोमपाल कामी, रोहित पौडेल, सन्दीप लामिछाने, शेर मल्ल, नन्दन यादव, आरिफ शेख, करण केसी र शाहब आलम।
