नेपाल क्रिकेट संघ (क्यान) ले सन् २०२६ का लागि राष्ट्रिय क्रिकेट खेलाडीहरूको नयाँ वर्गीकरण र पारिश्रमिक सार्वजनिक गरेको छ।
संघले कुल ३८ जना पुरुष र २५ जना महिला खेलाडीलाई विभिन्न श्रेणीमा विभाजन गर्दै उनीहरूको मासिक तलब र म्याच फीको नयाँ ढाँचा तय गरेको हो।
नेपाल क्रिकेट संघका प्रवक्ता छुम्बी लामाका अनुसार खेलाडीहरूको स्तर र प्रदर्शनका आधारमा वर्गीकरण गरी मासिक तलब तोकिएको छ। यसपटक पुरुषतर्फ 'ए+' श्रेणीको नयाँ व्यवस्था गरिएको छ।
पुरुष खेलाडीहरू (३८ जना)
ए प्लास - १२०,०००/- रोहित पौडेल, दिपेन्द्र सिंह ऐरी, सन्दीप लामिछाने
ए - १,००,०००/- सोमपाल कामी, आसिफ शेख, कुशल भुर्तेल, करण केसी
बी - ७५,०००/- ललित नारायण राजबंशी, आरिफ शेख, भीम सार्की, नन्दन यादव, गुल्सन झा
सी - ५५,०००/- सन्दीप जोरा, अर्जुन कुमाल, कुशल मल्ल, शेर मल्ल, इशान पाण्डे, बसिर अहमद, लोकेश बम, शाहब आलम, हेमन्त धामी, विनोद भण्डारी, अनिल शाह
डेभलवमेन्ट - ३५,०००/- त्रित राज दास, रसिद खान, सन्तोष यादव, नारायण जोशी, बिपिन खत्री, रिजन ढकाल, युवराज खत्री, देव खनाल, पवन सर्राफ, आकाश चन्द, दीपक डुम्रे, अर्जुन घर्ती, अर्जुन साउद, प्रतिश जि.सी., सागर ढकाल।
महिला खेलाडीहरू (२५ जना)
श्रेणी मासिक तलब (रु.) खेलाडीहरूको नामावली
ए ५५,०००/- इन्दु बर्मा, पुजा महतो, रुविना क्षेत्री, सीता राना मगर
बी ४०,०००/- कविता कुँवर, सम्झना खड्का, मनीषा उपाध्याय
सी ३०,०००/- विन्दु रावल, कविता जोशी, रुबी पोदार, रिया शर्मा
डेभलवमेन्ट २५,०००/- रोमा थापा, सुमन विष्ट, ईश्वरी विष्ट, सोनी पाख्रिन, सना प्रविन, सावित्री धामी, काजल श्रेष्ठ, सीमना केसी, अनु कडायत, यशोदा विष्ट, लक्ष्मी साउद, ममता चौधरी, अस्मिना कर्माचार्य, रचना चौधरी [
म्याच फी
मासिक तलबका अतिरिक्त पुरुष र महिला दुवै टोलीका खेलाडीहरूले अन्तर्राष्ट्रिय खेल खेले बापत निम्न अनुसारको म्याच फी प्राप्त गर्नेछन्।
• एकदिवसीय : प्रति खेल रु. १५,०००/-
• टी-२० : प्रति खेल रु. १०,०००/-
