नेपाल क्रिकेट संघ (क्यान) ले सन् २०२६ का लागि राष्ट्रिय क्रिकेट खेलाडीहरूको नयाँ वर्गीकरण र पारिश्रमिक सार्वजनिक गरेको छ।
क्यानले कुल ३८ जना पुरुष र २५ जना महिला खेलाडीलाई विभिन्न श्रेणीमा विभाजन गर्दै उनीहरूको मासिक तलब र म्याच फी सार्वजनिक गरेको हो।
खेलाडीहरूको स्तर र प्रदर्शनका आधारमा वर्गीकरण गरी मासिक तलब तोकिएको छ। यसपटक पुरुषतर्फ 'ए+' श्रेणीको नयाँ व्यवस्था गरिएको छ।
पुरुष खेलाडी (३८ जना)
ए + - रोहित पौडेल, दिपेन्द्र सिंह ऐरी, सन्दीप लामिछाने (मासिक तलब १ लाख २० हजार)
ए - सोमपाल कामी, आसिफ शेख, कुशल भुर्तेल, करण केसी (मासिक तलब १ लाख )
बी - ललित नारायण राजबंशी, आरिफ शेख, भीम सार्की, नन्दन यादव, गुल्सन झा (मासिक तलब ७५ हजार)
सी - सन्दीप जोरा, अर्जुन कुमाल, कुशल मल्ल, शेर मल्ल, इशान पाण्डे, बसिर अहमद, लोकेश बम, शाहब आलम, हेमन्त धामी, विनोद भण्डारी, अनिल शाह (मासिक तलब ५५ हजार)
डेभलवमेन्ट -त्रित राज दास, रसिद खान, सन्तोष यादव, नारायण जोशी, बिपिन खत्री, रिजन ढकाल, युवराज खत्री, देव खनाल, पवन सर्राफ, आकाश चन्द, दीपक डुम्रे, अर्जुन घर्ती, अर्जुन साउद, प्रतिश जि.सी., सागर ढकाल। (मासिक तलब ३५ हजार )
महिला खेलाडी (२५ जना)
ए- इन्दु बर्मा, पुजा महतो, रुविना क्षेत्री, सीता राना मगर (मासिक तलब ५५ हजार)
बी - कविता कुँवर, सम्झना खड्का, मनीषा उपाध्याय (मासिक तलब ४० हजार)
सी - विन्दु रावल, कविता जोशी, रुबी पोदार, रिया शर्मा (मासिक तलब ३० हजार)
डेभलवमेन्ट - रोमा थापा, सुमन विष्ट, ईश्वरी विष्ट, सोनी पाख्रिन, सना प्रविन, सावित्री धामी, काजल श्रेष्ठ, सीमना केसी, अनु कडायत, यशोदा विष्ट, लक्ष्मी साउद, ममता चौधरी, अस्मिना कर्माचार्य, रचना चौधरी (मासिक तलब २५ हजार)
म्याच फी
मासिक तलबका अतिरिक्त पुरुष र महिला दुवै टोलीका खेलाडीहरूले अन्तर्राष्ट्रिय खेल खेले बापत निम्न अनुसारको म्याच फी प्राप्त गर्नेछन्।
• एकदिवसीय : प्रति खेल १५ हजार
• टी-२० : प्रति खेल १० हजार
अघिल्लो वर्षको तुलनामा ११ खेलाडीले केन्द्रीय सम्झौतामा थप भएका छन्। गत वर्ष कुल ५२ जना खेलाडी सम्झौतामा थिए (३३ पुरुष र १९ महिला)। अहिले कुल ६३ जना खेलाडी छन् (३८ पुरुष र २५ महिला)। यसरी समग्रमा ११ जना खेलाडी थपिएका छन्।
नयाँ सम्झौता पाउने खेलाडी
पुरुषतर्फ : नन्दन यादव, शेर मल्ल, इशान पाण्डे, विनोद भण्डारी, त्रित राज दास, रसिद खान, नारायण जोशी, बिपिन खत्री, युवराज खत्री, पवन सर्राफ, दीपक डुम्रे, र अर्जुन साउद।
महिला टोली: रुबी पोदार, सुमन विष्ट, सोनी पाख्रिन, काजल श्रेष्ठ, अनु कडायत, यशोदा विष्ट, लक्ष्मी साउद, ममता चौधरी, र अस्मिना कर्माचार्य।
सम्झौताबाट हटेका खेलाडी
अघिल्लो वर्षको सूचीमा रहेका तर २०२६ को वर्गीकरणमा नपरेका खेलाडीहरूमा पुरुषतर्फ विवेक यादव, सूर्य तामाङ, अविनाश बोहोरा, मायन यादव, दिपेश कँडेल, रुपेश सिंह, र सुभ कंसाकार रहेका छन्। यस्तै महिला महिलातर्फ अलिशा यादव, करिष्मा गुरुङ, र ज्योत्स्निका मरासिनी सम्झौतामा छैनन्।
श्रेणी बढुवा भएका खेलाडी
पुरुषतर्फ:
रोहित पौडेल, दिपेन्द्र सिंह ऐरी र सन्दीप लामिछाने ए श्रेणीबाट नयाँ सिर्जना गरिएको ए+ मा बढुवा भएका छन्। कुशल भुर्तेल र करण केसी बीबाट ए श्रेणीमा पुगेका छन्। आरिफ शेख र भीम सार्की: सीबाट बीमा बढुवा भएका छन् भने बशिर अहमद, लोकेश बम र शाहब आलम डीबाट सीमा उक्लिएका छन। अर्जुन कुमाल र हेमन्त धामी इमर्जिङ श्रेणीबाट सिधै सीमा पुगेका छन्।
महिलातर्फ:
कविता कुँवर र सम्झना खड्का सीबाट बीमा बढुवा भएका छन् भने मनीषा उपाध्याय डीबाट सिधा बी श्रेणीमा पुगेका छन्। विन्दू रावालले पनि डीबाट सीमा स्थान बनाएकी छन्।
श्रेणी घटुवा भएका खेलाडी
अनिल शाह बीबाट सीमा झरेका छन्। भने महिलातर्फ कविता जोशी बीबाट सीमा झरेका छन्। यो नयाँ वर्गीकरणले विशेष गरी पुरुष टोलीमा ए+ को सुरुवात गरेको छ र नयाँ खेलाडीहरूलाई डेभलवमेन्ट श्रेणी अन्तर्गत समेटेर प्रोत्साहन गरेको देखिन्छ।
तलब बढ्यो
अघिल्लो वर्षको तुलनामा यसपालि (सन् २०२६ को लागि) नेपाली क्रिकेट खेलाडीहरूको मासिक तलबमा केही श्रेणीहरूमा उल्लेख्य वृद्धि भएको छ। स्रोतहरू अनुसार तलबमा भएको परिवर्तनको विवरण निम्न प्रकार छ।
यसपालि नयाँ 'ए+' श्रेणी सिर्जना गरी यसको तलब १ लाख २० हजार तलब तोकिएको छ। अघिल्लो वर्षको सबैभन्दा उच्च तलब ए श्रेणीको १ लाख थियो।
अघिल्लो वर्ष बी श्रेणीको ७० हजार तलब रहेकोमा यसपटक ५ हजार बढाइएको छ।
अघिल्लो वर्ष इमर्जिङ श्रेणीको तलब २५ हजार थियो। यसपालि यसलाई 'विकास' श्रेणीमा राखेर ३५ हजार तलब बनाइएको छ।
श्रेणी ए र सी तलबमा भने कुनै परिवर्तन गरिएको छैन। अघिल्लो वर्ष जस्तै क्रमश एङ्क लाख र ५५ हजार कामय छ।
महिला खेलाडीहरूको हकमा भने सबै श्रेणीमा ५ हजार रुपैयाँका दरले वृद्धि गरिएको छ।
-1779780853.jpg)
