चर्च ब्वाइज युनाइटेडको प्रशिक्षकमा बालगोपाल महर्जन नियुक्त भएका छन्।
क्लबले महर्जनलाई ए डिभिजन लिगका लागि भित्र्याएको हो।
यसअघि क्लबका प्रशिक्षक प्रदीप हुमागाई थिए। तर उनले श्रम स्वीकृतिका पाउन नसकेपछि क्लब छाडेका थिए।
अमेरिका बस्दै आएका हुमागाईको त्यहाँको पासपोर्ट भएका कारण उनले श्रम स्वीकृति लिनु पर्ने अवस्था थियो।
तर विभिन्न प्रक्रियागत झन्झटका कारण उनले लिगको बीचमै क्लब छाडेका थिए।
महर्जनले अब आठौं चरणको खेलदेखि क्लबको प्रशिक्षण सम्हाल्नेछन्। चर्च ब्वाइज ७ खेलबाट १३ अंक जोड्दै तेस्रो स्थानमा छ।
महर्जनसँग नेपालको पुरुष तथा महिला राष्ट्रिय टिमको प्रशिक्षक भएको अनुभव छ।
