प्रदर्शनरत फिल्म 'झरीपछिको इन्द्रेणी' को व्यापार कमजोर देखिएको छ।
पुस ४ गतेदेखि प्रदर्शनमा आएको फिल्मले सिनेपाः बक्सअफिसमा गत शनिबार (९ दिन)सम्ममा ६२ लाख ६९ हजार ४७५ रूपैयाँ ग्रस कमाइ गरेको छ। चलचित्र विकास बोर्डले यो फिल्मको बक्स अफिस विवरण सोमबार पहिलोपटक सार्वजनिक गरेको हो।
९ दिनको अवधिमा फिल्मको १९ हजार ७९३ वटा टिकट बिक्री भएका छन्।
अर्जुन घिमिरे (पाँडे) को निर्देशनमा बनेको फिल्ममा र्यापर समेत रहेका काठमाडौं महानगरका मेयर बालेन शाहले गीत गाएका छन्। उनले केही दिनअघि फिल्म हेरेर प्रशंसा समेत गरेका थिए।
'झरीपछिको इन्द्रेणी’ मा गणेश उप्रेती, रमेश उप्रेती, दीपाश्री निरौला, प्रियाना आचार्य, बिमोचन दवाडी, जेसिका पोखरेल, प्रकाश घिमिरेलगायत कलाकारहरूको अभिनय छ।
फिल्म दोस्रो सातामा प्रदर्शनरत छ।
-1756794700.JPG)
-1746009348.jpg)
