फिल्म 'झरीपछिको इन्द्रेणी' युट्युबमा सार्वजनिक भएको छ। हलमा रिलिज भएको करिब दुई महिनामै यो फिल्म डिजिटल माध्यमबाट आम दर्शकका लागि उपलब्ध भएको हो।
बिहीबारदेखि बालेन शाहको आधिकारिक युट्युब च्यानलमार्फत यो फिल्म हेर्न सकिनेछ।
अर्जुन घिमिरे (पाँडे) द्वारा निर्देशित 'झरीपछिको इन्द्रेणी' पुस ४ गते सिनेमा हलमा रिलिज भएको थियो। हलबाट केही दिनअघि मात्रै उत्रिएको फिल्म लगत्तै युट्युबमा सार्वजनिक भएको हो।
फिल्ममा गणेश उप्रेती, रमेश उप्रेती, दीपाश्री निरौला, सरिता गिरी, प्रकाश घिमिरे, विमोचन दवाडी, अर्जुन घिमिरे, जेसिका पोखरेल, प्रियना आचार्यलगायत कलाकारहरूको अभिनय छ।
फिल्मले भ्रष्टाचार र बेथितिविरुद्धको कथा प्रस्तुत गर्छ। आम नागरिक र युवा पुस्ताको संघर्ष, आशा र चिन्तालाई प्रस्तुत गरेको फिल्मले सिनेमाघरमा प्रदर्शन हुँदा दर्शकबाट सकारात्मक प्रतिक्रिया प्राप्त गरेको थियो। युट्युबमा पनि फिल्मले दर्शकको साथ पाउने निर्माण टिमको विश्वास छ।
-1746009348.jpg)
