निर्देशक नितेश तिवारीको फिल्म 'रामायण' स्टार कास्टको कारण चर्चामा छ।
फिल्ममा अभिनेता रणवीर कपूर रामको भूमिकामा देखिनेछन् भने साई पल्लवी सीताको। केजिएफ अभिनेता यश रावणको भूमिकामा देखिनेछन्।
त्यस्तै हनुमानको भूमिकामा सनी देओल र कुम्भकर्णको भूमिकामा बबी देओल देखिने चर्चा छ। यसैबीच रावणका भाइ विभीषणको भूमिकामा अभिनेता विजय सेतुपति देखिने भएका छन्।
भारतीय सञ्चारमाध्यम द टाइम्स अफ इन्डियाका अनुसार फिल्मलाई लिएर विजय सेतुपति सकारात्मक रहेको बताइएको छ। तर उनले औपचारिक रूपमा फिल्म साइन गरेका छैनन्।
निर्देशक नितेश, मधु मन्टेना, नमित मल्होत्रा र अल्लू अरविन्दको लगानी रहने फिल्म तीन भागमा बन्ने बताइएको छ। पहिलो भागमा राम र सीताको कहानी समावेश गरिनेछ। जसमा यशको केमियो भूमिका रहनेछ।
यो फिल्मको छायांकन सन् २०२४ देखि सुरू गरिनेछ। प्यान इन्डियाको फिल्म सन् २०२५ प्रदर्शन हुनेछ।
