बलिउड अभिनेत्री भूमि पेडनेकर अभिनीत फिल्म 'भक्षक' को ट्रेलर सार्वजनिक भएको छ।
नेटफ्लिक्स इन्डिया युट्युव च्यानलमार्फत फिल्मको ट्रेलर सार्वजनिक गरिएको हो। फिल्ममा भूमि पत्रकारको भूमिकामा देखिएकी छन्।
फिल्मको कथा भारतको बिहारमा भएको भयानक बलात्कार काण्डबारे रहेको छ। फिल्ममा भूमिसँगै सन्जय मिश्र, आदित्य श्रीवास्तव, सई ताम्हणकरको भूमिका रहेको छ।
पुलकितले निर्देशन गरेको फिल्मलाई गौरव वर्मा र गौरी खानले निर्माण गरेका छन्। सस्पेन्स थ्रिलर फिल्म ओटिटी प्लेटफार्म नेटफ्लिक्स फेब्रुअरी ९ मा रिलिज हुँदैछ।
