किरण राव निर्देशित फिल्म 'लापता लेडिज' ले भारतीय बक्स अफिसमा राम्रो कमाइ गरिहेको छ।
भारतीय सञ्चारमाध्यम एनडिटिभीका अनुसार फिल्मले ४ दिनमा ४ करोड ३१ लाख भारू कमाएको छ।
१ करोड ८० लाख भारूमा ओपनिङ गरेको फिल्मले दोस्रो दिन १ करोड ४५ लाख भारू, तेस्रो दिन १ करोड ७० लाख र चौथो दिन ४१ लाख भारू कमाएको हो।
फिल्ममा रेलमा बेहुली परिवर्तन भएको कथा देखाइएको छ। फिल्मको पटकथा तथा संवाद स्नेहा देसाईले लेखेका हुन्।
आमिर खान, किरण राव र ज्योति देशपान्डेको लगानी रहेको फिल्ममा नितान्शी गोयल, रविन किशन, प्रतिभा रान्टा, स्पर्श श्रीवास्तव, छाया कदम, गीता अग्रवाल शर्मालगायत कलाकारको अभिनय छ।
यो फिल्म गत शुक्रबारदेखि हलमा प्रदर्शन भइरहेको छ।
