बलिउड अभिनेता शाहरूख खानलाई विश्वभरका दर्शकले माया गर्छन्। भारतमा मात्र नभई अन्य देशमा पनि एसआरकेको फ्यान छन्।
शाहरूखको एक झल्को पाउन फ्यानहरू लामो समय पर्खिन्छन्। कतिपय फ्यान शाहरूखको जस्तै कपाल बनाउने कोसिस गर्छन्। यस चक्करमा कतिपय फ्यान ट्रोलको शिकार समेत भएका छन्। हालै शाहरूख जस्तै देखिने एक व्यक्तिको भिडिओ बाहिरिएको छ।
उक्त भिडिओमा ती व्यक्ति आफ्नो साथीसँग देखिएका छन्। साथमा 'बादशाह ओ बादशाह' गीत लगाइएको छ। उनको भिडिओ बाहिरिएपछि शाहरूखका फ्यानले प्रतिक्रिया दिइरहेका छन्। उनीहरूले भनेका छन्, 'कोरियन शाहरूख खान।'
यसअघि पनि बलिउड कलाकार जस्तै देखिने व्यक्तिको भिडिओ भाइरल भएका छन्। यसअघि नसीरूद्दीन शाह, सुनील शेट्टी, नाना पाटेकर, अक्षय कुमारलगायत कलाकार जस्तै देखिने व्यक्तिको भिडिओ भाइरल भएको थियो।
अभिनेता शाहरूख खानको पछिल्लो समय फिल्म 'डंकी' प्रदर्शन भएको थियो। यो फिल्म क्रिसमसको अवसर पारेर प्रदर्शन भएको थियो।
