भारतीय कमेडियन कपिल शर्माको शो गतवर्ष टिभीबाट बन्द भयो।
हाल उनी नेटफ्लिक्समा 'ग्रेट इन्डियन कपिल शो' सञ्चालन गरिरहेका छन्। सोनी टिभीमा भने कपिल शर्मा शो आउने समय खाली जस्तै छ। यस समयमा हुमा कुरैशी 'म्याडनेस मचाएंगे इन्डियाको हसाएंगे' कार्यक्रम चलाएकी थिइन्। तर दर्शकले कार्यक्रमप्रति खासै रूचि देखाएनन्।
अब यस समयमा कमेडियन जाकिर खानले नयाँ शो ल्याउने भएका छन्। शोको रिलिज मिति बारे केही समयपछि खुलाइने बताइएको छ।
जाकिर आफ्नो युट्युब च्यानलमार्फत स्टान्ड अप कमेडी चलाईरहेका छन्।
हालै कपिल शर्माको शोको पनि छायांकन सकिएको छ। कार्यक्रममा रणवीर कपूर, नीतु कपूर, आमिर खान, राजकुमार राव र जान्हवी कपूरलगायत उपस्थित भएका थिए।
