अल्लू अर्जुन अभिनीत फिल्म 'पुष्पा २: द रूल' को नयाँ पोस्टर सार्वजनिक गरिएको छ।
रमेश रावको जन्मदिनको अवसर पारेर फिल्मको नयाँ पोस्टर सार्वजनिक गरिएको हो। सार्वजनिक पोस्टरमा रामेश रावलाई भिलेनको अवतारमा प्रस्तुत गरिएको छ।
पुष्पाका निर्माताले उनलाई शुभकामना दिँदै लेखेका छन्, 'हरेक भूमिका राम्रोसँग निवार्ह गर्ने अभिनेता रमेश रावलाई जन्मदिनको शुभकामना! तपाई 'पुष्पा २: द रूल' मा उनलाई शक्तिशाली राजनेता सिद्दप्पाको रूपमा देख्न सक्नुहुन्छ। फिल्म १५ अगस्तमा रिलिज हुनेछ।'
फिल्मको पहिलो पार्टलाई 'पुष्पाः द राइज' को भनिएको थियो भने दोस्रो पार्टलाई 'पुष्पाः द रूल' भनिएको छ। 'पुष्पाः द राइज' मा जुन मोडमा कहानी छोडिएको थियो, त्यसले दर्शकमाझ कौतूहलता बढाएको छ।
'पुष्पा २' ले बक्स अफिसमा पनि राम्रो कमाइ गर्ने फिल्मकर्मीको आशा छ।
सुकुमार निर्देशित फिल्ममा अल्लु अर्जुन, रश्मिका मन्दना र फहद फासिलको पनि मुख्य भूमिका रहनेछ।
