गतवर्ष सनी देओल र अमीषा पटेल अभिनीत फिल्म 'गदर २' ले बक्स अफिसमा राम्रो व्यापार गरेको थियो।
यस फिल्मले विश्वभरबाट ५५० करोडबढी कमाइ गरेको थियो। सनीपछि अमीषा अब बबी देओलसँग फिल्म खेल्ने तयारीमा छिन्। यस फिल्मको बारेमा अमीषा आफैंले जानकारी दिएकी हुन्।
उनीहरू २२ अघि रिलिज भएको फिल्म 'हमराज' मा देखिँदैछन्। हालै अमीषाले ट्विटरमा आस्क सेशन राखेकी थिइन्। जहाँ उनलाई एक फ्यानले 'हमराज २' बन्ने सम्भावना कतिको छ भनेर सोधेका थिए।
जबाफमा उनले भनिन्, 'अब्बास मस्तानजीका अनुसार स्क्रिप्टमा काम भइरहेको छ। मेरो सुपर कुल बबीले एनिमलमा धमाका गरेपछि स्क्रिप्ट पनि त्यही अनुसारको हुनुपर्याे। मलाई यति थाहा छ कि फिल्मको काम भइरहेको छ।'
'हमराज' मा अमीषा, बबी र अक्षय खन्ना देखिएका थिए। यस फिल्मलाई दर्शकले निकै रूचाएका थिए।
