बलिउड अभिनेता टाइगर श्राफ यतिबेला ट्रोलको शिकार भइरहेका छन्।
उनले आफ्नो फिल्मी करियरमा हिट भन्दा धेरै फ्लप फिल्म दिएको भन्दैसामाजिक सञ्जालमा ट्रोल भइरहेको हो। उनको पछिल्लो फिल्म 'बडे मियाँ छोटे मियाँ' फ्लप भएपछि दर्शकले उनको अभिनय क्षमतामा प्रश्न उठाइरहेका छन्।
यसैबीच 'बाघी ३' का निर्देशक अहमद खानले टाइगरको समर्थन गरेका छन्। उनले एक अन्तर्वार्तामा टाइगरको एक्सन, लुक्स र डान्सिङको तारिफ गरेका छन्।
'टाइगरसँग सबै चिज छ जो एक सफल अभिनेतामा हुनुपर्छ। उनी एक कमर्शियल अभिनेता हुन्,' उनले भने।
टाइगरले 'बडे मियाँ छोटे मियाँ, बाघी, हिरोपन्ती, गणपति, वार, बाघी २, बाघी ३, स्टुडेन्ट अफ द इयर २, हिरोपन्ती २, अ फ्याइ जेट' लगायत फिल्ममा अभिनय गरेका छन्।
