बलिउड अभिनेता विक्की कौशल अभिनीत फिल्म 'छावा' को ट्रेलर सार्वजनिक भएको छ।
बिहीबार बलिउड स्टुडिओज युट्युब च्यानलमार्फत फिल्मको ट्रेलर सार्वजनिक गरिएको हो। फिल्ममा विक्की कौशल महान छत्रपति शिवाजी महाराजका छोरा छत्रपति सम्भाजी महाराजको भूमिकामा देखिएका छन्।
लक्ष्मण उतेकर निर्देशित फिल्ममा विक्कीसँगै रश्मिका मन्दाना, अक्षय खन्ना, आशुतोष राणा, दिव्या दत्तालगायत कलाकारको अभिनय छ।
यो फिल्म ६ डिसेम्बरदेखि हलमा रिलिज हुनेछ।
विक्की र निर्देशक लक्ष्मणको यो दोस्रो सहकार्य हो। उनीहरूले सन् २०२३ मा रिलिज भएको फिल्म 'जरा हटके जरा बचके' मा एकसाथ काम गरेका थिए। लक्ष्मण उतेकरले 'मिमी' र 'लुका छुपी' जस्ता फिल्ममा निर्देशन गरेका छन्।
