बलिउड अभिनेता नवाजुद्दीन सिद्दीकी अभिनीत फिल्म 'अद्भुत' को ट्रेलर सार्वजनिक गरिएको छ।
शनिबार सोनी पिक्चर्स फिल्म्स इन्डिया युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलर घनाघोर जंगलबीच रहेको घरमा भूत आएको कथा देखाइएको छ।
साविर खान निर्देशित फिल्ममा नवाज जासुसको भूमिकामा देखिएका छन्। फिल्ममा डायना पेन्टी, श्रेया धन्वन्तरी, रोहन मेहरालगायत कलाकारको अभिनय रहनेछ।
यो फिल्म सेक्टेम्बर १५ देखि सोनी पिक्चर्स टेलिभिजनमा प्रसारण हुनेछ।
नवाजद्दीन सिद्दीकीको पछिल्लो फिल्म 'रौतूका राज' जी ५ मा रिलिज भएको थियो। फिल्ममा उनले पुलिस अधिकारीको भूमिका निर्वाह गरेका थिए।
