बलिउड अभिनेता तथा निर्देशक फरहान अख्तरको फिल्म '१२० बहादुर' को छायांकन सुरू भएको छ।
बुधबार लद्दाखबाट फिल्मको छायांकन सुरू गरिएको हो। फिल्मलाई एक्सल एन्टरटेनमेन्ट र ट्रिगर ह्याप्पी स्टुडिओले निर्माण गर्न लागेको हो।
फिल्ममा फरहान अख्तर मेजर शैतान सिंह पिभिसीको भूमिकामा देखिनेछन्। यो एक मिलिट्री एक्सन फिल्म हो। जसमा सैनिकहरू युद्ध गरिरहेको देखाइने छ।
फरहान अख्तरले फिल्मको एक पोस्टर सार्वजनिक गरेका छन्। सार्वजनिक पोटस्टमा लेखिएको छ- उनीहरू तीन हजार थिए र म?
यो फिल्म १९६२ को भारत जीन युद्धको पृष्ठभूमिमा आधारित छ। फिल्मलाई रजनीश घईले निर्देशन गर्नेछन्।
