सन् २०१६ मा रिलिज भएको रोमान्टिक फिल्म 'सनम तेरी कसम' लाई दर्शकले निकै रूचाएका थिए।
अब निर्माण टिमले दोस्रो पार्ट निर्माण घोषणा गरेका छन्। हिन्दी फिल्म बजार विश्लेषक तरण आदर्शले एक तस्बिर सार्वजनिक गर्दै फिल्म निर्माण घोषणाको जानकारी दिएका हुन्। फिल्मको सिक्वेलमा पनि मुख्य भूमिकामा हर्षवर्धन राणेको मुख्य भूमिका हुनेछ। तर यस पार्टमा कुन अभिनेत्री हुनेछिन् भनेर खुलासा गरिएको छैन।
फिल्मको फर्स्ट पार्टमा 'सरू' बनेकी मावरा होकेनको मृत्यु देखाइएको थियो। उनी पाकिस्तानी अभिनेत्री हुन्।
यो फिल्मको पहिलो भाग अक्टोबरमा हलमा रि-रिलिज हुनेछ। 'सनम तेरी कसम २' म्यूजिकल लभ स्टोरी फिल्म हुने बताइएको छ।
