भाजपा सांसद तथा बलिउड अभिनेत्री कंगना रनावतले आफ्नो बंगला बेचेकी छन्।
भारतीय सञ्चारमाध्यम दैनिक भास्करका अनुसार उनले मुम्बईको बान्द्राको पाली हिल इलाकास्थित आफ्नो बंगला ३२ करोड भारूमा बेचेकी हुन्।
कंगनाले यो बंगला सन् २०१७ मा २० करोड भारूमा किनेकी थिइन्। जसबाट उनले १२ करोडको फाइदा उठाएकी छन्।
यो बंगला ३, ०७५ वर्ष फुटमा फैलिएको छ। यसमा ५६५ वर्ग फुटको पाकिङ छ।
उनले हालै मुम्बईमा १ करोड ५६ लाख भारूमा अफिस स्पेस किनेकी छन्। उनी छिट्टै आफ्नो नयाँ अफिस खोल्न तयारीमा छिन्।
उनी यतिबेला आफ्नो आगामी फिल्म 'इमरजेन्सी' लाई लिएर चर्चामा छिन्। फिल्ममा केही सिन परिवर्तन गर्दै सेन्सर बोर्डले युए सर्टिफिकेट दिएको छ।
