भारतीय गायक दर्शन रावलले विवाह गरेका छन्।
उनले धरल सुरेलियासँग विवाह गरेका हुन्। दर्शन रावलले केही तस्बिर सार्वजनिक गर्दै विवाहको जानकारी दिएका हुन्।
'मेरी बेस्टफ्रेन्ड फरएवर', उनले क्याप्सनमा लेखेका छन्। उनले तस्बिर सार्वजनिक गरेपछि बधाईको ओइरो लागेको छ।
भारतीय सञ्चारमाध्यम नवभारत टाइम्सका अनुसार धरल आर्किटेक्ट, आर्टिस्ट र डिजाइनर हुन्। दर्शन र धरल केही वर्षदेखि एकअर्कालाई डेट गरिरहेका थिए।
३० वर्षका दर्शन गायक, गीत लेखक र संगीतकार हुन्। उनले हिन्दी, गुजराती, पञ्जाबी र बंगाली भाषामा काम गरेका छन्। उनी ‘इन्डियाज रक स्टार’ को विजेता हुन्।
उनले 'प्रेम रतन धन पायो', 'सनम तेरी कसम', 'लव आजकल', 'रक और रानीकी प्रेमकहानी' लगायत फिल्ममा गीत गाएका छन्।
