दक्षिण भारतीय अभिनेता प्रभासको हिट फिल्मको सूचीमा 'बाहुबली' को नाम सबैभन्दा पहिला आउँछ।
एसएस राजामौली निर्देशित फिल्म 'बाहुबली' ले दर्शकको दिल जित्न सफल साबित भएको थियो। 'बाहुबली: द बिगनिङ' सन् २०१५ मा रिलिज भएको थियो। त्यस्तै दोस्रो पार्ट सन् २०१७ मा प्रदर्शन भएको थियो। 'बाहुबली २' रिलिज भएको आठ वर्ष पूरा भइसक्यो। यसै क्रममा फिल्म रि-रिलिजको घोषणा गरिएको छ।
फिल्मका निर्माता शोबू यार्लागड्डाले ट्विटरमा एक पोस्ट गर्दै उक्त घोषणा गरेका हुन्।
'मलाई तपाईहरूलाई यो जानकारी दिँदा एकदमै खुसी लागेको छ। यो वर्ष हामी बाहुबली फिल्म रि-रिलिजको योजना बनाइरहेका छौं। भारतीय र अन्तर्राष्ट्रिय स्तरमा एक पटक फिल्मलाई ठूलो पर्दामा उतार्दैछौं। यो एउटा रि-रिलिज मात्र होइन, हाम्रो प्रशंसकका लागि उत्सवको शानदार मौका हुनेछ। यसले पुरानो यादलाई ताजा गर्ने अवसर पाउँछ,' उनले लेखेका छन्।
