बलिउड अभिनेता शाहरूख खानले 'मार्वल सिनेम्याटिक युनिभर्स' (एमसियू) बाट हलिउडमा डेब्यु गर्ने तयारी छन्।
यसको लागि उनी मार्वल स्टुडियोसँग निरन्तर छलफलमा रहेको भारतीय सञ्चारमाध्यम दैनिक जागरणमा उल्लेख छ। मार्वल स्टुडियोबारे निरन्तर खबर अपडेट गरिरहने 'मार्वल लिक्स' नामक एक्स एकाउन्टले शाहरूखको फोटो सेयर गर्दै सम्भावित सहकार्यबारे लेखेपछि चर्चा सुरू भएको हो। तर अहिलेसम्म अभिनेता शाहरूख र निर्माण टिमले आधिकारिक पुष्टि गरेका छैनन्।
'पठान, जवान र डंकी' पछि शाहरूख खान दुई वर्षदेखि पर्दाबाट गायब छन्। यो फिल्म सन् २०२६ मा उनको धमाकेदार कमब्याक हुन सक्छ।
शाहरूख आगामी फिल्म 'किङ' को तयारीमा छन्। फिल्ममा उनी आफ्नी छोरी सुहाना खानसँग देखिँदैछन्।
