दक्षिण भारतीय अभिनेता नवीन बाबू उर्फ नानीले हालै सलमान खानको बयानमाथि प्रतिक्रिया दिएका छन्।
केही समयअघि सलमान खानले साउथ फिल्म उत्तर भारतमा हेर्ने तर साउथमा हिन्दी फिल्म त्यति नहेरिने बताएका थिए। अब सलमानको यस बयानलाई नानीले खण्डन गरेका छन्।
'यदि साउथमा उनको फिल्म हेरिदैन थियो भने उनी कसरी सुपरस्टार भए? सतप्रतिशत चल्छ र हामी सबै उनलाई माया गर्छौं। हामी सबै सलमानको फिल्म हेर्छौं। हम आपके हैं कौन जस्ता फिल्म साँस्कृतिक महत्व राख्छ। दिदी तेरा देवर दिवाना गीत हामी आफ्नो विवाहमा बजाउँछौं,' उनले भनेका छन्।
'भिमिली कबड्डी जाट्टु', 'भले भले मगदिवोई', 'निन्नु कोरी', 'आ', 'जर्सी' जस्ता फिल्ममा नानीले अभिनय गरेका छन्।
