सञ्जयलीला भन्सालीको वेब सिरिज 'हीरामन्डी' की अभिनेत्री शर्मिन सेगल आमा बनेकी छन्।
उनले २८ मेमा छोरालाई जन्म दिएकी हुन्। पत्रकार विकी लालवानीले यस खबर सामाजिक सञ्जालमार्फत दिएका हुन्। तर शर्मिनले आधिकारिक रूपमा पुष्टि गरेकी छैनन्।
उनले दुई वर्षअघि अमन मेहतासँग विवाह गरेकी थिइन्। अमन मेहता टोरेन्ट फार्मास्यूटिकल्सको कार्यकारी निर्माता हुन्। विवाहपछि शर्मिन अहमदाबादमा बसेकी थिइन्। तर हाल उनी मुम्बईमा बसिरहेकी छन्।
शर्मिनले आफ्नो करियरको शुरूआत सञ्जयलीला भन्सालीसँग सहायक निर्देशकको रूपमा गरेकी थिइन्। उनले 'गोलियोंकी रासलीला राम-लीला', 'मैरी कोम', 'बाजीराव मस्तानी' र 'गंगूबाई काठियावाडी' जस्ता फिल्ममा सहायक निर्देशकको रूपमा काम गरेकी छन्।
उनले सन् २०१९ मा भन्साली प्रोक्शनबाट बनेको फिल्म 'मलाल' बाट अभिनयमा डेब्यू गरेकी थिइन्। त्यसपछि उनले हरर कमेडी फिल्म 'अतिथि भूतो भव' र वेब सिरिज 'हीरा: द डायमन्ड बजार' मा अभिनय गरेकी थिइन्।
