बलिउड अभिनेता आमिर खानले आफ्नो ड्रिम प्रोजेक्ट 'महाभारत' लाई लिएर ठूलो खुलासा गरेका छन्।
उनले आफ्नो आगामी फिल्म 'सितारे जमीन पर' को प्रमोशनको क्रममा यस रिलिजपछि 'महाभारत' मा काम सुरू गर्ने बताएका छन्। साथै उनले 'महाभारत' आफ्नो अन्तिम फिल्म हुन सक्ने बताएका छन्।
'महाभारतमा सबै छ- भावना, गहिराई र भव्यता। दुनियाँमा जे छ, त्यो यस कहानीमा पाउनु हुनेछ। शायद यो फिल्मपछि मसँग गर्नको लागि केही नहुन पनि सक्छ। यस कहानी यति खास छ कि यो पछि केही गर्न मेरो लागि मुश्किल हुनसक्छ,' उनले भनेका छन्।
आमिरको फिल्म 'सितारे जमीन पर' मा उनीसँगै डार्शिल सफारी र जेनेलिया डिसूजाको अभिनय रहनेछ।
