दक्षिण भारतीय अभिनेता धनुष र निर्देशक ऐश्वर्या रजनीकान्त डिभोर्सपछि एकसाथ देखिएका छन्।
उनीहरू आफ्नो ठूलो छोरा यत्रको स्कूल ग्रेजुएशन सेरोमनीमा एकसाथ देखिएका हुन्। धनुषले सामाजिक सञ्जालमा छोरा यत्रको ग्रेजुएशनको केही तस्बिर सेयर गरेका छन्।
'यत्रको अभिभावक हुन पाउँदा खुशी छु,' उनले लेखेका छन्। यस कार्यक्रममा धनुष सेतो सर्ट र कालो पाइन्टमा देखिएका थिए भने ऐश्वर्या सेतो पहिरनमा देखिएकी थिइन्। यसअघि पनि उनीहरू आफ्ना छोरा यत्र र लिन्गाको स्पोर्ट्स डेमा एकसाथ देखिएका थिए।
धनुष र ऐश्वर्याले विवाहको १८ वर्षपछि जनावरी २०२२ मा टुंगाउने घोषणा गरेका थिए। उनीहरू २०२४ मा कानुनी रूपमा अलग भएका थिए।
धनुष फिल्म 'कुबेरा' को प्रदर्शनको पखाईमा छन् भने फिल्म 'इडली कडाई' को तयारीमा छन्।
ऐश्वर्याको पछिल्लो फिल्म 'लाल सलाम' थियो। उनले हाल आगामी फिल्म घोषणा गरेकी छैनन्।
