बलिउड अभिनेत्री शेफाली जरीवालाको ४२ वर्षको उमेरमा हृदयाघातका कारण निधन भएको छ।
शुक्रबार राति मुम्बईस्थित अस्पतालमा उनको निधन भएको भारतीय सञ्चारमाध्यमले जनाएका छन्।
नवभारत टाइम्सका अनुसार छातीमा गहिरो दुखाइको गुनासो गरेपछि शेफाली जरीवालालाई उनका श्रीमान र अन्य तीन जनाले अस्पताल लगेका थिए।
१५ डिसेम्बर १९८२ मा अहमदाबादमा जन्मिएकी शेफाली सन् २००२ मा रिलिज गीत 'काँटा लगा' मा नृत्य गरेपछि एकाएक चर्चामा आएकी थिइन्। लोकप्रिय रियालिटी शो 'बिग बोस १३' मा पनि उनी देखिएकी थिइन्।
उनले थुप्रै म्युजिक भिडिओ, रियालिटी शो, वेब सिरिज र फिल्महरूमा अभिनय गरेकी छिन्।
