मृगौला रोगसँग लडिरहेका तेलुगु फिल्मका चर्चित अभिनेता फिश वेंकटको ५३ वर्षको निधन भएको छ।
लामो समयदेखि मृर्गौलासम्बन्धी रोगसँग जुधिरहेका उनको हैदराबादको एक अस्पतालमा शुक्रबार राति निधन भएको भारतीय संचारमाध्यमले जनाएका छन्।
वास्तविक नाम वेंकट राज रहे पनि फिल्म उद्योग र दर्शकमाझ उनी फिश वेंकटका नामले परिचित थिए। मिर्गौला प्रत्यारोपणको आवश्यकता परेकाले उनलाई अस्पताल भर्ना गरेर आईसीयूमा राखिएको थियो।
फिश वेंकट खासगरी हास्य र खलनायक भूमिकाका लागि प्रख्यात थिए। उनको उनले बन्नी, अधुर्स, धी र मिरापाके जस्ता धेरै हिट फिल्महरूमा अभिनय गरेका छन्। फिल्ममा उनले अल्लु अर्जुन, जुनियर एनटिआर, रवि तेजा, पवन कल्याण, नागार्जुन जस्ता ठूला स्टारहरूसँग काम गरेका छन्।
उनी हालै आहा थ्रिलर फिल्म कफी विथ अ किलरमा देखिएका थिए। कोभिड–१९ महामारीको समयमा उनले सिद्धु जोन्नलगड्डासँग माँ विन्था गाढा विनुमा र डीजे टिल्लुमा अभिनय गरेका थिए।
-1746009348.jpg)
