भारतीय अभिनेता विशाल कृष्ण रेड्डी र अभिनेत्री साई धन्शिकाले इन्गेजमेन्ट गरेका छन्।
दुबैले शुक्रबार इन्स्टाग्राममा संयुक्त पोस्टमार्फत यसबारे जानकारी दिएका हुन्। यो जोडीले समारोहका तस्बिरहरू पनि सार्वजनिक गरेका छन्।
विशालको ४८ औं जन्मदिनको अवसरमा इन्गेजमेन्ट समारोह राखिएको थियो। इन्गेजमेन्टपछि विशालले आफ्नो जीवनको नयाँ अध्याय सुरू गर्दा 'सकारात्मक र धन्य महसुस' गरिरहेको लेखेका छन्।
विशाल तमिल फिल्मका अभिनेतासँगै निर्माता समेत हुन्। उनको पहिलो मुख्य भूमिका रोमान्टिक थ्रिलर चेल्लामेमा थियो। उनी सन्डकोजि, थिमिरू, थामिरभरनी र मलाईकोट्टई जस्ता फिल्महरूमा पनि संलग्न थिए। त्यसयता उनले पण्डिया नाडु, नान सिगप्पु मनितन र पूजाई जस्ता फिल्महरू निर्माण गरेका छन्।
धन्शिकाले तमिल, कन्नड र तेलुगु फिल्महरूमा काम गर्छिन्। उनले तमिल फिल्म थिरूडीबाट अभिनयमा डेब्यु गरेकी थिइन्। त्यसपछि उनी पेरन्मई, अरावण, परादेसी र कबालि लगायतका फिल्ममा देखिएकी थिइन्।
-1755241369.jpg)
-1746009348.jpg)
