चर्चित भारतीय कमेडियन तथा अभिनेता कपिल शर्माले हालै आफ्नो शारीरिक परिवर्तन र फिटनेसबारे खुलेर कुरा गरेका छन्। पछिल्लो समय आफ्नो तौल घटाएका कपिलले टेलिभिजनमा काम गर्दा आफू अल्छी भएको स्वीकार गरे।
फिल्म 'फिरंगी' को समयमा भन्दा अहिले आफूलाई फिट राख्ने निर्णय गरेको उनले बताए। यद्यपि, यो निर्णय कुनै विशेष प्रोजेक्टका लागि नभई स्वस्थ जीवनशैलीका लागि भएको उनको भनाइ छ।
भारती सिंह र हर्ष लिम्बाचियाको भ्लगमा बोल्दै कपिलले भनेका छन्, 'हामी टिभीमा काम गर्दा अल्छी हुन्छौं। त्यहाँ तौल बढ्दैमा काम नपाइने भन्ने हुँदैन। काम चलिरहेको हुन्छ, सोफामा बसिरहनुपर्छ, त्यहाँ शारीरिक मेहेनत खास्सै हुँदैन। टिभीमा काम गर्दा दिमाग चल्छ, तर शरीरको कसरत आवश्यक पर्दैन।'
सन् २००७ मा 'द ग्रेट इन्डियन लाफ्टर च्यालेन्ज' जितेर राष्ट्रिय स्तरमा चर्चामा आएका कपिलले त्यसपछि 'कमेडी सर्कस' का धेरै सिजन जिते। सन् २०१३ मा सुरू भएको 'कमेडी नाइट्स विथ कपिल' र सन् २०१६ को 'द कपिल शर्मा शो' मार्फत उनी भारतका शीर्ष मनोरञ्जनकर्ताका रूपमा स्थापित भए। कपिल शर्मा चाँडै नै आफ्नो सन् २०१५ को हिट फिल्मको सिक्वेल 'किस किसको प्यार करूँ २' मा देखिँदैछन्।
यस फिल्ममा कपिलले तीन श्रीमतीहरूलाई सम्हाल्दै गरेको भूमिका निर्वाह गरेका छन्।
-1746009348.jpg)
