दक्षिण भारतीय अभिनेता यशको आगामी फिल्म 'टक्सिक' फेरि विवादमा परेको छ।
१९ मार्च (चैत ५) मा रिलिज तयारीमा रहेको फिल्म पुरानो एक आरोपका कारण फेरि विवादमा तानिएको हो।
भारतीय संचारमाध्यमका अनुसार फिल्म निर्माणको क्रममा बंगलुरूको जंगलमा अवैध रूपमा ठूलो संख्यामा रूख काटिएको भन्दै २०२४ मा दर्ता भएको एफआईआर अहिले पुनः चर्चामा आएको छ।
नवभारत टाइम्सले उल्लेख गरेअनुसार कर्नाटक वन विभागले फिल्मको निर्माताहरूविरुद्ध एफआईआर दर्ता गरेको थियो। उक्त एफआईआरमा निर्माताको कम्पनीसँगै केही उच्च पदस्थ व्यक्तिहरूको नाम पनि जोडिएको थियो।
यो पुरानो मुद्दा अहिले रेडिटमा पुनः देखा परेको छ। समाचारमा उल्लेख भएअनुसार निर्माताहरूले कानूनी प्रक्रिया पूरा भएको दाबी गरेका छन्। र, छायांकनका लागि सबै अनुमति प्राप्त भएको बताएका छन्। तथापि, यस विवादले फिल्मको रिलिजअघि नै सामाजिक तथा कानूनी बहसलाई तातो बनाएको छ।
मिडियाले यस घटनालाई वन संरक्षण र पर्यावरणीय संवेदनशीलताको दृष्टिले पनि महत्वपूर्ण भन्दै चर्चा गरिरहेका छन्।
'टक्सिक' यसअघि टिजरलाई लिएर पनि विवादमा तानिएको थियो।
गीतु मोहनदासको निर्देशनमा बनेको फिल्ममा यशसँगै कियारा आडवाणी, नयनतारा, हुमा कुरेशी, तारा सुतारिया, रूक्मिणी वसन्तलगायत कलाकारहरूको अभिनय छ।
-1746009348.jpg)
